www.aqmangittani.uz - Aqman'g'i't tan'i' gazetasi' web sayti gazeta 1969-ji'l 1-iyulden shi'g'a basladi'

ҚУТЛЫҚЛАЙМЫЗ

Усы жыл 13-15-апрель күнлери Хорезм ўәлаятының Үргениш қаласында Өзбекстан Республикасы Халық билимлендириў министрлиги тәрепинен...

Xabardi oqi'w
25.04.2018

ЭКОЛОГИЯЛЫҚ ҚӘЎИПСИЗЛИКТИ ТӘМИЙИНЛЕЙИК

Республикада экологиялық қәўипсизликти тәмийинлеў ҳәм қоршаған орталықты қорғаў тараўында мәмлекетлик басқарыўды түптен жетилистириў, экологиялық жағдайды жақсылаў, шығындылардың пуқаралар денсаўлығына зыянлы тәсириниң алдын алыў, халық турмыс дәрежеси ҳәм сапасын асырыў ушын қолай шараятлар жаратыў

Xabardi oqi'w
25.04.2018

ТУРМЫС ДӘРЕЖЕСИ ЖАҚСЫЛАНДЫ

Мәмлекетимизде халықтың социаллық қорғаўға мүтәж қатламларын материаллық ҳәм руўхый жақтан қоллап-қуўатлаў, социаллық тараўды раўажландырыў арқалы кем тәмийинленген шаңарақларға әмелий жәрдем көрсетиў мақсетинде Президентимиздиң «Халықтың кем тәмийинленген қатламларын қоллап-қуўатлаўға байланыслы қосымша илажлары ҳаққында»ғы қарары қабыл етилди.

Xabardi oqi'w
25.04.2018

ҚЫЙТАҚ ЖЕРГЕ СУЎ КЕРЕК

Тамарқа дәрамат дәреги. Жерге меҳир берип, өз ўақтында тәрбияласаң жер сени бағады. Мол зүрәәт береди. Буны аўыл турғынлары жүдә жақсы биледи.

Xabardi oqi'w
25.04.2018

ҲУҚЫҚБУЗЫЎШЫЛАР ЖАЗАСЫН АЛДЫ

Пуллы қумар ойынларын ойнаў ҳуқықбузарлық екенлигине көпшилик жетерли итибар бере бермейди. Бирақ, бундай ойынлардың ақыбети орны толмас өкинишке алып келетуғынлығы ҳаққындағы ашынарлы ҳәдийселери бир қанша мысаллар менен келтириўимиз мүмкин.

Xabardi oqi'w
25.04.2018

ТӘБИЯТТЫ ҚОРҒАЎ ҲӘММЕМИЗДИҢ МИННЕТИМИЗ

Арал апатшылығы аймағында жасап атырған биз қарақалпақстанлылар ушын тәбиятты қорғаў ҳәм оған зыян тийгизбеў, экологиялық жақтан таза тәбийғый орталықты қәлиплестириў ең баслы ўазыйпаларының бири болып есапланады. Сонлықтан да биз экологиялық апатшылықтың қандай ақыбетлерге алып келетуғынын көрип, түсинген аймақ турғыны сыпатында тәбиятқа итиятлылық пенен қатнас жасаўды дәўир талабы деп билемиз.
Қарақалпақстан Республикасы тәбиятты қорғаў комитетиниң Нөкис районлық суў қорларын қорғаў инспекциясы тәрепинен де қоршаған орталықты қорғаў, өсимликлер ҳәм ҳайўанатлар дүньясына зыян жеткизбеў, суў қорларының патасланыўына жол қоймаў ҳәм адамлар арасында экологиялық мәдениятты қәлиплестириў мақсетинде бир қанша унамлы жумыслар алып барылды.
Комитетимиз тәрепинен ислеп шығылған жоба тийкарында райондағы мәкеме ҳәм кәрханаларда, әсиресе, аўыл хожалығы тараўындағы хожалық жүргизиўши субъектлеринде, билимлендириў тараўы мәкемелеринде социаллық шериклик тийкарында үгит-нәсият жумысларын алып барып атырмыз. Мектеп ҳәм колледж оқыўшылары менен ушырасыўлар өткерип олар арасында тәбиятымызды асыраў, үй ҳәм оқыў орны әтирапын абаданластырыў ҳәм көклемзарластырыў, шаңарақларда экологиялық мәдениятты қәлиплестириў бойынша түсиндириў жумысларын алып бардық.
Халық арасында тәбиятты, суў қорларын қорғаў, экологиялық мәдениятты қәлиплестириў, үгит-нәсият ҳәм жәмийетлик қадағалаў жумысларын алып барыў ушын райондағы ҳәр бир өзин-өзи басқарыў уйымлары аймағынан жәмийетлик басламадағы инспекторларды жумысқа тарттық.
Жаңадан шөлкемлестирилип атырған аўыл жожалығы, ислеп шығарыўшы ҳәм басқа кәрханалар шөлкемлестирилиўи алдынан олар экоэкспертизадан өткерилиў менен бирге оларға экологияны асыраў бойынша түсиндириў жумысларын алып барып атырмыз. Бүгинги, әсиресе, бәҳәр мәўсиминде атыз шеллерин, бийдайдан босаған атызларды өртеўдиң алдын алыў мақсетинде ҳәр бир фермер менен түсиндириў жумысын алып барып, оларға ескертпелер тарқатылды.
5-июнь – Тәбиятты қорғаў күни мүнәсибети менен район аймағында, әсиресе, оқыўшы жаслар менен ушырасыўлар шөлкемлестириўди режелестиргенбиз. Бундай ушырасыўлар, түсиндириў ҳәм үгит-нәсият жумыслары халық арасында экологиялық мәдениятты қәлиплестириўде тийкарғы роль атқарады.

Оңғарбай АМАНБАЕВ
Қарақалпақстан Республикасы тәбиятты қорғаў комитетиниң Нөкис районы суў қорларын қорғаў бойынша инспекторы
скачать dle 10.5фильмы бесплатно

06.06.2016
O'xshash xabarlar: