www.aqmangittani.uz - Aqman'g'i't tan'i' gazetasi' web sayti gazeta 1969-ji'l 1-iyulden shi'g'a basladi'

ЛАЗЫМның лазымлары

Буннан бир жыл бурын «жаназа күни мал сойып, аўқат писириў, мейитти бир нешше күнлеп сақлаў дурыс емес, бул динимизге жат үрп-әдетлер» деген гәплерди еситкенде көпшиликтиң қыялына «қарақалпақ халқының басқа халықлардан өзгешелиги де усында емес пе, нешше әсирлерден берли ата-бабаларымыздан мийрас болып киятырған үрп-әдетлерди қалай бийкарлаймыз» деген ой-пикир келгенлиги рас (дәслепки ўақытлары өзимиз де усындай пикирде едик, себеби бундай үрп-әдетлер тек қарақалпақ халқында ушырасады).

Xabardi oqi'w
04.08.2018

СПОРТШЫ ҚЫЗДЫҢ ӘРМАНЫ

Меҳрибан Султанбаева «Тақыркөл» АПЖ аймағында жайласқан 9-санлы мектептиң 7-класында оқыйды.

Xabardi oqi'w
04.08.2018

КӨШПЕЛИ ҚАБЫЛЛАЎ

Нөкис районы орайындағы «Ақмаңғыт» ППЖ да район ҳәкими А.Сейтахов, Қарақалпақстан Республикасы прокуроры орынбасары Я.Бабажанов, Қарақалпақстан Республикасы Министрлер Кеңеси баслығының орынбасарлары А.Тәжетдинов ҳәм Б.Ҳәбибуллаевлардың қатнасында көшпели қабыллаў болып өтти.

Xabardi oqi'w
04.08.2018

ПУҚАРАЛАРДЫҢ ТЫНЫШЛЫҒЫ ТӘМИЙИНЛЕНБЕКТЕ

Өзбекстан Республикасы Ишки ислер министрлиги ҳәм Миллий гвардияның 2018-жыл 2-июнь күнги қоспа режеси тийкарында бүгинги күнде орынларда жынаятшылықтың ерте алдын алыў, пуқаралардың тынышлығын тәмийинлеў ҳәм олардың машқалаларын үйрениўге бағышланған илажлар өткерилмекте.

Xabardi oqi'w
04.08.2018

ЫҚШАМЛАСҚАН НЕКЕ ТОЙЛАРЫ

Нөкис районында 30-июнь – Жаслар күни байрам илажлары шеңберинде райондағы 5 кем тәмийинленген жас шаңарақтың неке тойлары болып өтти.

Xabardi oqi'w
04.08.2018

УНАБЫНЫҢ ПАЙДАСЫ

Мәмлекетимиз басшысы усы жыл 20-21-январь күнлери Респүбликамызда болған сапарында аўыл хожалығы тараўы қәнигелери ҳәм фермерлерге унабы жетистириўди көбейтиў бойынша зәрүр көрсетпелер берди.
[center]УНАБЫНЫҢ ПАЙДАСЫ[/center]
Халқымыз тилинде «Жылан жийде» деп аталатуғын бул мийўе түри жүдә пайдалы. Мийўесиниң түри жийдеге усаса да, мийўесиниң үлкенлиги ҳәм де қурамына көре оннан пүткиллей өзгеше. Емлик қәсийети менен халық медицинасында кең түрде қолланылады. Қан басымын түсиреди, баўыр, бүйрек, астма ҳәм ҳәр түрли таспаларда, жөтел ҳәм иш өтиў киби кеселликлерди емлеўде жақсы нәтийже береди. Илимий дереклерде келтирилиўинше оның қурамындағы рутин қан тамырларын кеңейттирип оның дийўалларын беккемлейди делинген.
Бул мийўе ағашы жер таңламайды, өнимдарлығы пәс жерлерде де өсебереди. Буның және бир итибарлы тәрепи қурғақшылыққа жүдә шыдамлы. Министрлер Кабинетиниң 2013-жыл 24-август күнги бийлигине көре, Қарақалпақстан Респүбликасы ҳәм ўәлаятларда ҳәр жылы 50 мың түптен унабы нәллерин егиў белгилеп берилген еди.
Унабының бийиклиги 8-12 метрге дейин жетип, 100 жылдан артық жасайды. Дәслепки ўақытлары кемлеў мийўе берсе де, 18-20 жылдан кейин ҳәр бир түп теректен 40-45 кг өним алыў мүмкин. Өнимдарлығы гектарына орташа 15 тоннаны қурайды.
Бул мийўениң өнимдарлығы толық кепилленген болып унабы май-июнь айларында гүллейди. Бул дәўир тәбият ынжықлықлар кемейип, жаўын-шашын азайып, палҳәррелериниңде нағыз қызғын жумыс ислейтуғын дәўирине туўра келеди. Унабының тәрбиясы жийде тәрбиясынан ҳеш те парқланбайды. Ўақтында суўғарылып жылына бир мәртебе азықландырылады. Өними сентябрь айында писип жетилиседи.
Унабы халық медицинасында ҳәм бүгинги фармацевтикада да тийкарынан уйқы ҳәм ақылый искерликти жақсылап, нерв кеселлигиниң алдын-алыўда, қан басымы көтерилгенде, тамырларда тығылмалар пайда болыўы қәўпи күшейгенде, вена варикозында, жүрек соғыўы нормасы бузылғанда сондай-ақ ерте қартайыўдың алдын алыўда қолланылады.
Демек солай екен, унабыны өсирип тәрбиялаў халық саламатлығын беккемлеў менен биргеликте қосымша дәрамат дереги сыпатында да елимиз раўажланыўына хызмет ететуғын пайдалы мийўе тереклериниң бири болып есапланады.
Баспасөз материаллары тийкарында таярлаған
Ә.ХОЖАНАЗАРОВ

скачать dle 10.5фильмы бесплатно

18.05.2017
O'xshash xabarlar: