www.aqmangittani.uz - Aqman'g'i't tan'i' gazetasi' web sayti gazeta 1969-ji'l 1-iyulden shi'g'a basladi'

ҚУТЛЫҚЛАЙМЫЗ

Усы жыл 13-15-апрель күнлери Хорезм ўәлаятының Үргениш қаласында Өзбекстан Республикасы Халық билимлендириў министрлиги тәрепинен...

Xabardi oqi'w
25.04.2018

ЭКОЛОГИЯЛЫҚ ҚӘЎИПСИЗЛИКТИ ТӘМИЙИНЛЕЙИК

Республикада экологиялық қәўипсизликти тәмийинлеў ҳәм қоршаған орталықты қорғаў тараўында мәмлекетлик басқарыўды түптен жетилистириў, экологиялық жағдайды жақсылаў, шығындылардың пуқаралар денсаўлығына зыянлы тәсириниң алдын алыў, халық турмыс дәрежеси ҳәм сапасын асырыў ушын қолай шараятлар жаратыў

Xabardi oqi'w
25.04.2018

ТУРМЫС ДӘРЕЖЕСИ ЖАҚСЫЛАНДЫ

Мәмлекетимизде халықтың социаллық қорғаўға мүтәж қатламларын материаллық ҳәм руўхый жақтан қоллап-қуўатлаў, социаллық тараўды раўажландырыў арқалы кем тәмийинленген шаңарақларға әмелий жәрдем көрсетиў мақсетинде Президентимиздиң «Халықтың кем тәмийинленген қатламларын қоллап-қуўатлаўға байланыслы қосымша илажлары ҳаққында»ғы қарары қабыл етилди.

Xabardi oqi'w
25.04.2018

ҚЫЙТАҚ ЖЕРГЕ СУЎ КЕРЕК

Тамарқа дәрамат дәреги. Жерге меҳир берип, өз ўақтында тәрбияласаң жер сени бағады. Мол зүрәәт береди. Буны аўыл турғынлары жүдә жақсы биледи.

Xabardi oqi'w
25.04.2018

ҲУҚЫҚБУЗЫЎШЫЛАР ЖАЗАСЫН АЛДЫ

Пуллы қумар ойынларын ойнаў ҳуқықбузарлық екенлигине көпшилик жетерли итибар бере бермейди. Бирақ, бундай ойынлардың ақыбети орны толмас өкинишке алып келетуғынлығы ҳаққындағы ашынарлы ҳәдийселери бир қанша мысаллар менен келтириўимиз мүмкин.

Xabardi oqi'w
25.04.2018

ҚУРЫЛЫС ИСЛЕРИ ҚЫЗҒЫН

Соңғы жыллары мәмлекетимизде қурылыс көлеми кеңнен ен жайып, аўыл-аймақларымызда бир-биринен көркем биналар бой тиклемекте. Әлбетте, бундай дөретиўшилик ислер елимиздиң экономикалық күш-қүдиретин, халқымыздың мийнеткешлигин, өсип киятырған жас әўладлардың ертеңги айдын келешекке деген исенимин дәлийллеп турғандай. Буны бүигнги күнде бәршемиз көрип, гүўасы болып жүрмиз.
[center]ҚУРЫЛЫС ИСЛЕРИ ҚЫЗҒЫН[/center]
Район орайына кирер жерде Ақмаңғыт гүзары көшесиниң бойында Қутанкөл агроэкономика колледжи менен қатар дүзеп бой тиклеп атырған қурылыс объектлери де әне, усындай елимизде әмелге асырылып атырған реформалардың жемиси болып табылады. Усы жылдың март айында бас кесип алып ислеўши «Жаңа қәдем» жуўапкершилиги шекленген жәмийетиниң қолы гүл қурылысшылары тәрепинен қурылып баслаған бул еки қабатлы 16 квартиралы турақ жайлардың бүгинги күнге келип екеўиниң төбелери бастырылып, ишки ҳәм сыртқы жумыслары исленип атырған болса, бир имаратының екинши қабатында гербиш өриў жумыслары жуўмақланыў алдында тур.
– Сметалық баҳасы 1 млрд 245 млн сум болған бул қурылыс ислеринен бүгинги күнге шекем 896 млн сумлық жумыс көлеми орынланды, -дейди жәмийеттиң бас инженери Замир Әметов, – Қурылыста жәми 70тен аслам қурылысшы жаслар мийнет еткен болса, соннан 80 пайызы жергиликли турғынлардан ибарат. Қуда қәлесе, декабрь айында қурылыс жумысларын жуўмақлап, турақ жай ийелерине инам етемиз, -дейди ол.
Биз бир қатар қурылысшылар арасында болып олар менен гүрриңлескенимизде олардың кеўил кейпиятлары жоқары екенлигин көрип, жәмәәтте аўызбиршиликтиң беккем екенлигин сезиндик.
– Ис ҳақыларымызды өз ўақтында алып турмыз, - дейди қурылыс кепсерлеўши Алмат Низаматдинов, – Бул жерде ҳәр кимге ҳәр түрли ҳақы төленеди. Яғный, гербиш өриўши, бетоншы сыяқлы кәсип ийелерине орынлаған жумыс көлемине қарай пул берилсе кепсерлеўши, электриклерге айлық ис ҳақы төленеди. Қулласы, басшыларға наразшылығымыз жоқ, -дейди ол.
Усы жерде Өзбекстан Қаҳарманы, белгили жазыўшы Төлепберген Қайыпбергеновтың: «Елим деп, журтым деп ат шапқанлардың бәйги сызығы бир болады» деген даналық сөзлерин ерксиз еске алдым. Халықтың пәраўан турмысы ушын өзлериниң кәсиплик шеберлигин аянбай хызмет етип атырған бул қурылысшыларды көрип көзиң қуўанады.

Жеңис СЕЙДУЛЛАЕВ
скачать dle 10.5фильмы бесплатно

09.12.2017
O'xshash xabarlar: