www.aqmangittani.uz - Aqman'g'i't tan'i' gazetasi' web sayti gazeta 1969-ji'l 1-iyulden shi'g'a basladi'

ЛАЗЫМның лазымлары

Буннан бир жыл бурын «жаназа күни мал сойып, аўқат писириў, мейитти бир нешше күнлеп сақлаў дурыс емес, бул динимизге жат үрп-әдетлер» деген гәплерди еситкенде көпшиликтиң қыялына «қарақалпақ халқының басқа халықлардан өзгешелиги де усында емес пе, нешше әсирлерден берли ата-бабаларымыздан мийрас болып киятырған үрп-әдетлерди қалай бийкарлаймыз» деген ой-пикир келгенлиги рас (дәслепки ўақытлары өзимиз де усындай пикирде едик, себеби бундай үрп-әдетлер тек қарақалпақ халқында ушырасады).

Xabardi oqi'w
04.08.2018

СПОРТШЫ ҚЫЗДЫҢ ӘРМАНЫ

Меҳрибан Султанбаева «Тақыркөл» АПЖ аймағында жайласқан 9-санлы мектептиң 7-класында оқыйды.

Xabardi oqi'w
04.08.2018

КӨШПЕЛИ ҚАБЫЛЛАЎ

Нөкис районы орайындағы «Ақмаңғыт» ППЖ да район ҳәкими А.Сейтахов, Қарақалпақстан Республикасы прокуроры орынбасары Я.Бабажанов, Қарақалпақстан Республикасы Министрлер Кеңеси баслығының орынбасарлары А.Тәжетдинов ҳәм Б.Ҳәбибуллаевлардың қатнасында көшпели қабыллаў болып өтти.

Xabardi oqi'w
04.08.2018

ПУҚАРАЛАРДЫҢ ТЫНЫШЛЫҒЫ ТӘМИЙИНЛЕНБЕКТЕ

Өзбекстан Республикасы Ишки ислер министрлиги ҳәм Миллий гвардияның 2018-жыл 2-июнь күнги қоспа режеси тийкарында бүгинги күнде орынларда жынаятшылықтың ерте алдын алыў, пуқаралардың тынышлығын тәмийинлеў ҳәм олардың машқалаларын үйрениўге бағышланған илажлар өткерилмекте.

Xabardi oqi'w
04.08.2018

ЫҚШАМЛАСҚАН НЕКЕ ТОЙЛАРЫ

Нөкис районында 30-июнь – Жаслар күни байрам илажлары шеңберинде райондағы 5 кем тәмийинленген жас шаңарақтың неке тойлары болып өтти.

Xabardi oqi'w
04.08.2018

«ЖОЛ КАРТАСЫ» БӘНТЛЕРИ ОРЫНЛАНБАҚТА

Бүгинги күнде Президентимиздиң тиккелей басшылығы ҳәм басламалары тийкарында пуқаралардың тыныш ҳәм абадан турмыс кешириўин тәмийинлеў, ертеден ҳуқықбузарлықлардың алдын алыў, жынаятшылыққа қарсы гүресиў бойынша республикамыз бойлап салмақлы жумыслар әмелге асырылмақта. Усы тийкарда бизиң Нөкис районы ҳаял-қызлар комитетинде де жынаятшылыққа қарсы гүресиў, олардың алдын алыў ҳәм жүз бериўи мүмкин болған шараятларды тоқтатыўға байланыслы жумыслардың нәтийжелилигин арттырыў бойынша «Жол картасы» бәнтлеринде нәзерде тутылған ўазыйпалар орынланып келинбекте. Усы «Жол картасы» тийкарында мәҳәллелерде, оқыў орынларында ҳәм мәкемелерде жынаятшылық ҳәм ҳуқықбузарлықлар жүз бериўиниң алдын алыў, тынышсыз шаңарақлар ҳәм олардың себеплерин анықлаў, сырт мәмлекетлерде узақ мүддетте жүрген ҳаял-қызларды анықлаў, соның менен бирге олардың ҳуқықый саўатын, билим дәрежесин арттырыў бойынша турақлы түрде үгит-нәсият жумыслары алып барылмақта.
12-декабрь күни «Саманбай» АПЖсында адам саўдасына қарсы гүресиў, жынаятшылық ҳәм ҳуқықбузарлықтың алдын алыўа бағышланып үгит-нәсият илажы өткерилди. Илаж даўамында аўыл пуқаралар жыйынында бүгинги күнде 36 ҳаял-қызлар сырт мәмлекетлерге узақ мүддетке шығып кеткен, ал 19 ҳаял-қызлар қайтып келген. Жумыс ислеў ушын сырт мәмлекетлерге узақ мүддетке шығып кеткен ҳаял-қызлардың шаңарақ ағзалары менен сәўбетлесиўлер өткерилди.
Усындай илаж «Кердер» аўыл пуқаралар жыйынында да болып өтти. Аўыл пуқаралар жыйынында ноябрь айының өзинде 1 ҳаял-қыз узақ мүддетке шығып кеткен болса, 5 ҳаял-қыз қайтып келген. Буннан басқа да Шортанбай аўыл хожалық кәсип-өнер колледжинде ҳәм Кердер санаат транспорт кәсип-өнер колледжлеринде ҳаял-қызлардың, әсиресе, жумыссыз үй бийкелериниң жәмийетте социаллық белсендилигин, сиясий ҳәм ҳуқықый саўатын, билим дәрежесин арттырыўға бағышланған дөңгелек стол әтирапында сәўбетлесиў өткерилди. Колледж оқыўшыларына, әсиресе, өспирим қыз балаларға жынаятшылықтың унамсыз ақыбетлери, жынаятшылықты келтирип шығаратуғын шараятлар, оларға қарсы гүресиўде үгит-нәсияттың орны темаларында сәўбетлесиўлер өткерилди. Сондай-ақ, «Қутанкөл» МПЖсында «Мен ҳаялман! Жынаятқа қол урыўға ҳақым жоқ!» атамасында ҳаял-қызлар арасында үгит-нәсият жумыслары шөлкемлестирилди. Илаж даўамында ҳаял-қызларымыздың жәмийеттеги тутқан орнын, олардың сана сезимин, дүньяқарасын кеңейтиў, олардың кеўиллерин көтериў мақсетинде районлық мәденият үйи ҳәм балалар музыка ҳәм көркем өнер мектеби тәрбияланыўшылары тәрепинен концерт бағдарламасы қойып берилди.
Солай етип, үгит-нәсият илажы даўамында «Қутанкөл» МПЖсында ҳәм «Тақыркөл» АПЖсында ҳаял-қызлар арасында жынаятшылық жағдайларын болдырмаў, олардың алдын алыў бойынша «Мен ҳаялман! Жынаятқа қол урыўға ҳақым жоқ!» атамасында ислеп шығылған баннерлер орнатылды.
Ҳақыйқатында да «Мен ҳаялман! Мен анаман! Мен қыз баламан! Жынаятқа қол урыўға ҳақым жоқ!» деген сезимлер ҳәр бир ҳаял-қызлардың кеўлинде орын алып «Мениң шаңарағымда да, аймағымда да жынаят болмаўы керек» сүрени астында аўызбиршиликти сақлап, жынаяттың алдын алыўда белсендилик көрсетип, сергекликти умытпасақ бул мақсетимизге ерисетуғынлығымыз анық.

Үзилдик СЕЙФУЛЛАЕВА
Районлық ҳаял-қызлар комитети баслығы
скачать dle 10.5фильмы бесплатно

21.12.2017
O'xshash xabarlar: