www.aqmangittani.uz - Aqman'g'i't tan'i' gazetasi' web sayti gazeta 1969-ji'l 1-iyulden shi'g'a basladi'

ЛАЗЫМның лазымлары

Буннан бир жыл бурын «жаназа күни мал сойып, аўқат писириў, мейитти бир нешше күнлеп сақлаў дурыс емес, бул динимизге жат үрп-әдетлер» деген гәплерди еситкенде көпшиликтиң қыялына «қарақалпақ халқының басқа халықлардан өзгешелиги де усында емес пе, нешше әсирлерден берли ата-бабаларымыздан мийрас болып киятырған үрп-әдетлерди қалай бийкарлаймыз» деген ой-пикир келгенлиги рас (дәслепки ўақытлары өзимиз де усындай пикирде едик, себеби бундай үрп-әдетлер тек қарақалпақ халқында ушырасады).

Xabardi oqi'w
04.08.2018

СПОРТШЫ ҚЫЗДЫҢ ӘРМАНЫ

Меҳрибан Султанбаева «Тақыркөл» АПЖ аймағында жайласқан 9-санлы мектептиң 7-класында оқыйды.

Xabardi oqi'w
04.08.2018

КӨШПЕЛИ ҚАБЫЛЛАЎ

Нөкис районы орайындағы «Ақмаңғыт» ППЖ да район ҳәкими А.Сейтахов, Қарақалпақстан Республикасы прокуроры орынбасары Я.Бабажанов, Қарақалпақстан Республикасы Министрлер Кеңеси баслығының орынбасарлары А.Тәжетдинов ҳәм Б.Ҳәбибуллаевлардың қатнасында көшпели қабыллаў болып өтти.

Xabardi oqi'w
04.08.2018

ПУҚАРАЛАРДЫҢ ТЫНЫШЛЫҒЫ ТӘМИЙИНЛЕНБЕКТЕ

Өзбекстан Республикасы Ишки ислер министрлиги ҳәм Миллий гвардияның 2018-жыл 2-июнь күнги қоспа режеси тийкарында бүгинги күнде орынларда жынаятшылықтың ерте алдын алыў, пуқаралардың тынышлығын тәмийинлеў ҳәм олардың машқалаларын үйрениўге бағышланған илажлар өткерилмекте.

Xabardi oqi'w
04.08.2018

ЫҚШАМЛАСҚАН НЕКЕ ТОЙЛАРЫ

Нөкис районында 30-июнь – Жаслар күни байрам илажлары шеңберинде райондағы 5 кем тәмийинленген жас шаңарақтың неке тойлары болып өтти.

Xabardi oqi'w
04.08.2018

ЖУРТБАСШЫМЫЗ ИСЕНИМИ ЖУЎАПКЕРШИЛИК ЖҮКЛЕЙДИ

Журтбасшымыз жақында 27-июнь – Баспасөз ҳәм ғалаба хабар қураллары хызметкерлери күни мүнәсибети менен жоллаған қутлықлаўында ғәрезсизлигимиздиң руўхый тийкарларын беккемлеўде миллий баспасөзимиздиң мүнәсип үлеси бар екенлигин атап өтти. Ғәрезсизликтиң биринши күнлеринен баслап елимизде ғалаба хабар қуралларының жәмийетимизде тутқан ролин, олардың жумыс нәтийжелилигин және де арттырыў, материаллық-техникалық базасын беккемлеў, журналистлик кәсиптиң абырайын күшейтиў, сала хызметкерлериниң мийнетин ҳәр тәреплеме хошаметлеўге қаратылған сиясат избе-излик пенен алып барылып атырғанлығын және де ғалаба хабар қуралларын қоллап-қуўатлаў ушын мәмлекетлик бюджет есабынан кредитлер, социаллық буйыртпа ҳәм мәмлекетлик грантлар ажыратылып атырғанлығын журтбасшымыз өз сөзинде айтып өтти.
Ҳақыйқатында да Президентимиз атап өткениндей, ҳәзирги қурамалы заманда информациялық ҳўжимлер барған сайын кўшейип атырған қәўип-қәтерли бир жағдайда халқымызды, әсиресе, жасларымызды еркин пикирлейтуғын, ақты қарадан, ҳақыйқатлықты жалғаннан ажыратыўға уқыплы инсанлар етип тәрбиялаўда ғалаба хабар қуралларының орны гиреўли.
Сол ушында бүгинги журналистлерден өз кәсибиниң ҳақыйқый устасы болыўы, турмысқа терең кирип барыўы, жәмийетимиздеги жәмийетлик-сиясий процесслердиң мазмуны ҳәм әҳмийетин ашып бериў, елимиз раўажланыўы жолында тосқынлықлы машқалаларды исенимли көтерип шығыў талап етилмекте.
Буннан басқа да ел басшымыз бўгинги глобалласыў заманында интернет әсиринде мәлимлеме ушын ҳеш қандай шегара жоқ екенин, мәлимлеме ағымы арқалы тилекке қарсы, тўрли бузғыншы идеялар, «ғалабалық мәденият» көринислери де турмысымызға кирип киятырғанын олар өз гезегинде жасларымыздың сана-сезимине ҳәм руўхый дўньясына кери тәсир көрсетип атырғанын атап өтти.
Бул ушын биз ғалаба хабар қураллары хызметкерлери, журналистлер пикирге қарсы – пикир, идеяға қарсы – идея, жаўызлыққа қарсы – ағартыўшылықты қурал етип, усындай уран астында қатаңлық пенен жумыс алып барыўымыз керек.
Президентимиз «Кеше ким едик, бўгин ким болдық, ертең қандай жаңа шеклерди ийелеүимиз керек?» деген шақырық бәринен бурын биз баспасөз хызметкерлерине тийисли екенлигин ҳәр биримиз жүрегимиздиң түп-тўбинен терең сезине билиўимиз ҳәм өз исимиз бенен бул жаңа шеклерди ийелеген табысларды ҒХҚ арқалы сәўлелендирип кең халық қатламына жеткерип барыўдай жуўапкершиликли ўазыйпаларды жүкледи.
25 жыл даўамында басып өткен қыйыншылықларды, бузғыншылық ҳәрекетлерди, жаўыз мақсетлерди гөзлеген терроршылық ҳәрекетлерди, машақатлы сынақларды тек ғана мәртлик, сабыр-тақат пенен жеңип өткенимизди, усындай қыйын тарийх сабақларын адамларға, бәринен бурын жасларымызға жеткериў бизиң баслы ўазыйпамыз ҳәм парызымыз,екенлигин мақтаныш пенен тилге алған Журтбасшымыз, халықтың мәпин, ўатанның тәғдирин қәлбинен, жүрегинен өткерип жасайтуғын журналист халқына үлкен исеним билдирип журналист мийнетиниң қаншелли машақатлы хәм жуўапкершиликли екенин терең тўсинген инсан сыпатында журналистлерди «өзиниң ең жақын жәрдемшилерим ҳам кеңесгөйлерим» деп белгилеп өтти.
Биз ғалаба хабар қураллары хызметкерлери, журналистлер бул мақтанышлы ҳәм исеним билдирип айтылған сөзден руўхланып елимиздиң тынышлығы, турмысымыздың абат ҳәм абадан болыўында, халқымыздың мәпи ҳәм еркинлиги жолында аянбай хызмет етемиз деп исендиремиз.

Гита ҚАЛБАЕВА[right][/right]скачать dle 10.5фильмы бесплатно

03.08.2016
O'xshash xabarlar: