www.aqmangittani.uz - Aqman'g'i't tan'i' gazetasi' web sayti gazeta 1969-ji'l 1-iyulden shi'g'a basladi'

ЧЕМПИОН МЕНЕН УШЫРАСЫЎ

Дубай қаласында спорттың таэквондо түри бойынша бириншиликти қолға киргизген Шийрин Алланазарованың жеңиси Наманган ўәлаятында спорттың усы түри бойынша болып өткен Өзбекстан бириншилигинде 68 кг салмақта жеңимпаз болыўдай табыс пенен уласты.

Xabardi oqi'w
17.04.2018

М.НУРЖАНОВТЫҢ ЕСТЕЛИГИНЕ БАҒЫШЛАНҒАН ТУРНИР

Районымызда ҳәр жылы марҳум спортшы, жаслар устазы М.Нуржановтың естелигине арнап Республикалық көлемде спорт жарысларын өткериў дәстүрге айланған. Усы мүнәсибет пенен районымызда «Кеўилли стартлар» спорт ойынлары бойынша ашық турнир өткерилди.

Xabardi oqi'w
17.04.2018

БИЗ НЕ УШЫН КИТАП ОҚЫЎЫМЫЗ КЕРЕК?

Бул сораўға ҳәр ким ҳәрқыйлы жуўап бериўи мүмкин. Өз көп жыллық устазлық тәжрийбемизден жуўап бериўге ҳәрекет етемиз. Китап оқыўға қуштарлық, инта адамның өзинде болыў керек. Китап оқыў туўралы данышпанлар бирқанша пикирлер айтқан: «Китап билим булағы», «Китапсыз билим жоқ», «Китап адамның досты», «Оқыған озар, оқымаған тозар». Китап инсан устазы. Китап адамды тәрбиялайды.

Xabardi oqi'w
17.04.2018

ТАЗАЛЫҚ ҲӘМ АЗАДАЛЫҚҚА ИТИБАР БЕРЕЙИК

Бәҳәр келиўи менен дөгерек әтирапты, турақ жайларды, оқыў дәргайларын ҳәм де мәҳәллелерди абаданластырыў бойынша ғалаба шембиликлер шөлкемлестириледи. Шембиликте тереклер ҳәкленип, мийўели ҳәм саяманлы терек нәллери егиледи, бизди қоршап турған ана-тәбияттың көркин бузып турған ҳәр қыйлы шығындылар алып тасланады ҳәм тазаланады. Себеби, мийнет, тазалық, азадалық бар жерде ғана қут-берекет ҳәм саламатлық болады.

Xabardi oqi'w
17.04.2018

ШӘРИЯТЫМЫЗҒА ЖАТ ҮРП-ӘДЕТЛЕР

Халқымыздың ағла пазыйлетлеринен бири-бул барлық исти сабыр-тақатлылық пенен атқарып, қыйыншылықларды төзимлилик пенен жеңе билиўи болып есапланады. Перзентлеримиз тәрбиясында да биз оларды жаслайынан сабырлы болыўға шақырамыз. Себеби, ата-бабаларымыздың «Сабыр түби сары алтын, сарғайған жетер муратқа, сабырсыз қалар уятқа» деп айтқан даналық гәплери ҳәмийше қәлбимизде яд болып қалады.

Xabardi oqi'w
17.04.2018

БУЛ ЎАТАН БӘРШЕМИЗДИКИ

Ата-бабаларымыз әрман еткен ­ Ғәрезсизлигимиз, Еркинлигимизге 25 жыл толды. ­ Ғәрезсизлик – бул өз тарийхымызды, тилимизди, динимизди, миллий қәдириятларымызды ҳәм бийбаҳа үрп-әдет, салт-дәстүрлеримизди қайтарып берди.
Ҳақыйқатта ҳәр бир нәрсениң қәдири, ол жоқ болғанда алдынғысы менен салыстарғанда билинеди. Әсиресе, бул нәрсе миллий ҳәм диний қәдириятларымыз қәдирсизленген өткен тарийхый дәўирде бул жерге көз алартқан өзге мәмлекет ўәкиллери өз сиясатын сиңдириўге ҳәрекет етти. Ўақыттың өтиўи менен халықты бойсындырыў ушын «миллетти жоқ етиў ушын оның мәдениятын, көркем өнерин ҳәм ана тилинен айырыўдың өзи-ақ жеткиликли ҳәм ол өзин-өзи жоқ етиўге гириптар болады» деген идеяда жумыс алып барылды. Демек ҳәр бир мәмлекет, ҳәр бир миллет – биринши гезекте өзиниң жоқары мәденияты ҳәм мәнаўияты менен күшли болатуғынлығын умытпаўымыз ҳәм бүгинги күни де усылардан зүрүрли жуўмақлар шығарыўымыз тийис екенлигин билдик. Мине, усы көзқарастан елимиздиң барлық пуқаралары, бәринен бурын жас әўладларда жоқары мәнаўиятты, миллий ғәрезсизлик идеологиясының мазмуны, халқымыздың көп әсирлик тарийхында ислам дининиң тутқан орны оның адамларды әдеп-икрамлылыққа тәрбиялаўдағы әҳмийетин ашып бериўде, ата-бабаларымыздың әсирлер даўамында дөретип, қәстерлеп, әўладтан-әўладқа өтип келген бай мәнаўий мийрасларының қайта тиклениўинде тәрбияшы устазларымыз бенен бәршемизге үлкен жуўапкершиликли ўазыйпалар жүкленген. Бул ўазыйпаларды әмелге асырыўда муғаллимлер менен устазлардың өзлери терең билимли ҳәм мәнаўиятлы, қәбилетли жетик инсанлар болыўын бүгинги күн талапларының бири. Бүгинги күни бизиң алдымызға қойған ең жуўапкерли ўазыйпаларымыздың бири-ғәрезсизлигимиздиң биринши күнлеринен баслап-ақ мәмлекетимиз тәрепинен алып барылып атырған сиясатымыздың нызамлы даўамы болып, бәршемизден тынымсыз мийнетти ҳәм күш-ғайратты сарыплаўды талап етеди.
Соның менен бирге, бул ўазыйпа заман өзгериўи менен ҳәр биримизден дүньяға көзқарасымызды еле де кеңейтип, сиясий ҳәм ҳуқықый саўатлығымызды және де асырып, әтирапымызда болып атырған ўақыяларға бийпарўа болмайтуғын ҳәм туўры қатнас жасай алатуғын бир сөз бенен айтқанда бул гөззал ҳәм бийтәкирар журт мен ушын бирден бир Ўатан, оның басынан кеширип атырған қуўаныш ҳәм машқалалары мениң қуўанышым ҳәм машқалаларым деп жасаўды бизден талап етеди.
Шәмшетдин БАЎАТДИНОВ
Қарақалпақстан мусылманлары қазыяты қазысы
скачать dle 10.5фильмы бесплатно

07.09.2016
O'xshash xabarlar: