www.aqmangittani.uz - Aqman'g'i't tan'i' gazetasi' web sayti gazeta 1969-ji'l 1-iyulden shi'g'a basladi'

ЧЕМПИОН МЕНЕН УШЫРАСЫЎ

Дубай қаласында спорттың таэквондо түри бойынша бириншиликти қолға киргизген Шийрин Алланазарованың жеңиси Наманган ўәлаятында спорттың усы түри бойынша болып өткен Өзбекстан бириншилигинде 68 кг салмақта жеңимпаз болыўдай табыс пенен уласты.

Xabardi oqi'w
17.04.2018

М.НУРЖАНОВТЫҢ ЕСТЕЛИГИНЕ БАҒЫШЛАНҒАН ТУРНИР

Районымызда ҳәр жылы марҳум спортшы, жаслар устазы М.Нуржановтың естелигине арнап Республикалық көлемде спорт жарысларын өткериў дәстүрге айланған. Усы мүнәсибет пенен районымызда «Кеўилли стартлар» спорт ойынлары бойынша ашық турнир өткерилди.

Xabardi oqi'w
17.04.2018

БИЗ НЕ УШЫН КИТАП ОҚЫЎЫМЫЗ КЕРЕК?

Бул сораўға ҳәр ким ҳәрқыйлы жуўап бериўи мүмкин. Өз көп жыллық устазлық тәжрийбемизден жуўап бериўге ҳәрекет етемиз. Китап оқыўға қуштарлық, инта адамның өзинде болыў керек. Китап оқыў туўралы данышпанлар бирқанша пикирлер айтқан: «Китап билим булағы», «Китапсыз билим жоқ», «Китап адамның досты», «Оқыған озар, оқымаған тозар». Китап инсан устазы. Китап адамды тәрбиялайды.

Xabardi oqi'w
17.04.2018

ТАЗАЛЫҚ ҲӘМ АЗАДАЛЫҚҚА ИТИБАР БЕРЕЙИК

Бәҳәр келиўи менен дөгерек әтирапты, турақ жайларды, оқыў дәргайларын ҳәм де мәҳәллелерди абаданластырыў бойынша ғалаба шембиликлер шөлкемлестириледи. Шембиликте тереклер ҳәкленип, мийўели ҳәм саяманлы терек нәллери егиледи, бизди қоршап турған ана-тәбияттың көркин бузып турған ҳәр қыйлы шығындылар алып тасланады ҳәм тазаланады. Себеби, мийнет, тазалық, азадалық бар жерде ғана қут-берекет ҳәм саламатлық болады.

Xabardi oqi'w
17.04.2018

ШӘРИЯТЫМЫЗҒА ЖАТ ҮРП-ӘДЕТЛЕР

Халқымыздың ағла пазыйлетлеринен бири-бул барлық исти сабыр-тақатлылық пенен атқарып, қыйыншылықларды төзимлилик пенен жеңе билиўи болып есапланады. Перзентлеримиз тәрбиясында да биз оларды жаслайынан сабырлы болыўға шақырамыз. Себеби, ата-бабаларымыздың «Сабыр түби сары алтын, сарғайған жетер муратқа, сабырсыз қалар уятқа» деп айтқан даналық гәплери ҳәмийше қәлбимизде яд болып қалады.

Xabardi oqi'w
17.04.2018

ҚАРАҚАЛПАҚСТАН РЕСПУБЛИКАСЫ КОНСТИТУЦИЯСЫНА 25 ЖЫЛ

Быйыл Қарақалпақстан Республикасы Конституциясының қабыл етилгенине 25 жыл толады. Усы сәнеге байланыслы өткерилип атырған мәдений ағартыўшылық илажларда тийкарғы нызамымыз халық мәпи ушын хызмет ететуғыны ҳәм оның тыныш-татыў турмысын тәмийинлейтуғыны атап өтилмекте.
9-апрель күни районымыздағы 15-санлы балалар музыка ҳәм көркем өнер мектебинде Қарақалпақстан Республикасы Конституциясының 25 жыллығына бағышланған салтанатлы мәжилис болып өтти.
Салтанатлы мәжилиске район ҳәкиминиң орынбасарлары, мәкеме, кәрхана ҳәм өзин-өзи басқарыў уйымларының ўәкиллери, оқыў орынлары оқытыўшылары ҳәм оқыўшылары, жәмийетшилик ўәкиллери қатнасты.
Байрам салтанаты Өзбекстан ҳәм Қарақалпақстан Республикаларының мәмлекетлик гимнлерин атқарыў менен басланды.
Салтанатлы мәжилисте район ҳәкиминиң орынбасары, районлық ҳаял-қызлар комитетиниң баслығы Ү.Сейфуллаева, район прокурорының орынбасары С.Алламуратов ҳәм 1-санлы мектептиң оқыўшысы С.Бердимуратовалар қутлықлаў сөз сөйледи.
Салтанатлы мәжилис қатнасыўшыларына районлық мәденият үйи хызметкерлериниң концерт бағдарламасы қойып берилди.
Қарақалпақстан Республикасы Конституциясы күнине бағышланған байрам илажлары районымыз аймағындағы оқыў орынларында, мийнет жәмәәтлеринде кең түрде белгиленип өтти.

Жеңис СЕЙДУЛЛАЕВ
өз хабаршымыз
скачать dle 10.5фильмы бесплатно

17.04.2018
O'xshash xabarlar: