www.aqmangittani.uz - Aqman'g'i't tan'i' gazetasi' web sayti gazeta 1969-ji'l 1-iyulden shi'g'a basladi'

ЛАЗЫМның лазымлары

Буннан бир жыл бурын «жаназа күни мал сойып, аўқат писириў, мейитти бир нешше күнлеп сақлаў дурыс емес, бул динимизге жат үрп-әдетлер» деген гәплерди еситкенде көпшиликтиң қыялына «қарақалпақ халқының басқа халықлардан өзгешелиги де усында емес пе, нешше әсирлерден берли ата-бабаларымыздан мийрас болып киятырған үрп-әдетлерди қалай бийкарлаймыз» деген ой-пикир келгенлиги рас (дәслепки ўақытлары өзимиз де усындай пикирде едик, себеби бундай үрп-әдетлер тек қарақалпақ халқында ушырасады).

Xabardi oqi'w
04.08.2018

СПОРТШЫ ҚЫЗДЫҢ ӘРМАНЫ

Меҳрибан Султанбаева «Тақыркөл» АПЖ аймағында жайласқан 9-санлы мектептиң 7-класында оқыйды.

Xabardi oqi'w
04.08.2018

КӨШПЕЛИ ҚАБЫЛЛАЎ

Нөкис районы орайындағы «Ақмаңғыт» ППЖ да район ҳәкими А.Сейтахов, Қарақалпақстан Республикасы прокуроры орынбасары Я.Бабажанов, Қарақалпақстан Республикасы Министрлер Кеңеси баслығының орынбасарлары А.Тәжетдинов ҳәм Б.Ҳәбибуллаевлардың қатнасында көшпели қабыллаў болып өтти.

Xabardi oqi'w
04.08.2018

ПУҚАРАЛАРДЫҢ ТЫНЫШЛЫҒЫ ТӘМИЙИНЛЕНБЕКТЕ

Өзбекстан Республикасы Ишки ислер министрлиги ҳәм Миллий гвардияның 2018-жыл 2-июнь күнги қоспа режеси тийкарында бүгинги күнде орынларда жынаятшылықтың ерте алдын алыў, пуқаралардың тынышлығын тәмийинлеў ҳәм олардың машқалаларын үйрениўге бағышланған илажлар өткерилмекте.

Xabardi oqi'w
04.08.2018

ЫҚШАМЛАСҚАН НЕКЕ ТОЙЛАРЫ

Нөкис районында 30-июнь – Жаслар күни байрам илажлары шеңберинде райондағы 5 кем тәмийинленген жас шаңарақтың неке тойлары болып өтти.

Xabardi oqi'w
04.08.2018

ЕМЛЕЎХАНА ИМАРАТЫ БОЙ ТИКЛЕМЕКТЕ

Жылдырымдай тез пәт пенен раўажланып баратырған бүгинги күнде адамлардың дүнья танымы да, өмирге деген көзқарасы да пүткиллей жаңаланып, алға илгерилеп бармақта. Олар енди заман талапларына сай мийнет етиўди, дем алыўды, жасаўды қәлейди. Сонлықтан да, бүгинги күнде елимиз бойлап ҳәр қыйлы қурылыс объектлери бой тиклемекте.
[center]ЕМЛЕЎХАНА ИМАРАТЫ БОЙ ТИКЛЕМЕКТЕ[/center]
Мине, усындай қурылыслардың бири районлық медицина бирлеспесиниң жаңа имараты болып табылады.
Районлық көп тармақлы поликлиникасының арқа тәрепинде Өзбекстан көшесинде бой тиклеп атырған бул имарат 2019-жылы пайдаланыўға тапсырылады. Ҳәзирги ўақытта «Қрақалпаққурылысмонтаж» жуўапкершилиги шекленген жәмийетиниң қурылысшылары тәрепинен емлеўхананың 2-қабатында өриў жумыслары алып барылмақта.
[center]ЕМЛЕЎХАНА ИМАРАТЫ БОЙ ТИКЛЕМЕКТЕ[/center]
– Жаңадан қурылып атырған емлеўхана имараты 3 қабатлы 70 орынға мөлшерленген болып, сметалық баҳасы 5 млрд 611 млн сумды қурайды. Бүгинге келип қурылысшылар тәрепинен имараттың 2-қабатында гербиш өриў жумыслары исленип 1 млрд 300 млн сумлық жумыс көлеми орынланды. Несип етсе келеси жылда жаңа емлеўхана имаратын пайдаланыўға тапсырамыз. Буған бизиң имканиятымыз жетерли,-дейди «Қарақалпаққурылысмонтаж» жуўапкершилиги шекленген жәмийетиниң прорабы Қоңыратбай Нурымбетов.
Ҳақыйқатында да биз қурылыс объектинде болғанымызда ол жерде 40 қа шамалас өз кәсибиниң шеберлери, қолы гүл қурылысшылар қызғын жумыс ислеп атырғанлығының гүасы болдық. Шебер өриўшилерден есапланған Г.Жумамуратов, Н.Муминов, А.Ержановлар «устаз-шәкирт» усылында жумыс алып барып жасларға гербиш өриўдиң сырларын үйретсе, электр кепсерлеўшилерден Ж.Әбишов, Ж.Маликовлар кәсиплеслерине үлги болмақта. Әлбетте, қурылыс ислериниң белгиленген кесте бойынша орынланыўында техникалардың тутқан орны өз алдына. Бул жерде жүк көтериўши кран машинасы, жүклеўши, бетон қарыўшы, жүк тасыўшы техникалар қурылысшылардың аўырын жеңил етпекте.

Жеңис СЕЙДУЛЛАЕВ
скачать dle 10.5фильмы бесплатно

10.07.2018
O'xshash xabarlar: