www.aqmangittani.uz - Aqman'g'i't tan'i' gazetasi' web sayti gazeta 1969-ji'l 1-iyulden shi'g'a basladi'

БҮГИНГИ БАСПАСӨЗ – ЕРКИН СӨЗ, ЕРКИН ПИКИР ҲӘМ АЗАТ ИНСАН ТӘ¬ҒДИРИ МЕНЕН БАЙЛАНЫСЛЫ

27-июнь сәнеси Өзбекстанда 1993-жыл 24-июньда шығарылған Президент Пәрманына муўапық Баспасөз ҳәм ғалаба хабар қураллары хызметкерлери күни байрамы сыпатында белгиленеди.

Xabardi oqi'w
10.07.2018

ҲӘКИМ ҲӘМ ЖАСЛАР

Усы жылдың 28-июнь күни район орайындағы 15-санлы балалар музыка ҳәм көркем өнер мектебинде Өзбекистан жаслар аўқамы Нөкис районлық Кеңеси, район ҳәкимлиги, район прокуротурасы ҳәм бир қатар тийисли тараў басшылары тәрепинен колледж ҳәм мектеп оқыўшылары менен «Ҳәким ҳәм жаслар» атамасында ашық сәўбет өткерилди.

Xabardi oqi'w
10.07.2018

РУЎХЫЙ-АҒАРТЫЎШЫЛЫҚ ИЛАЖЫ

Нөкис районы ҳәкимлигиниң киши мәжилислер залында «Халық арасында руўхый-ағартыўшылық илажларды шөлкемлестириў» атамасында оқыў-семинары болып өтти.

Xabardi oqi'w
10.07.2018

ЖАСЛАР АРАСЫНДА СПОРТ ЖАРЫСЛАРЫ

Өткен жылы Президентимиз тәрепинен 30-июнь күнин жаслар күни деп белгиленген еди. Бүгинги күнде бул сәне мәмлекетимиз бойлап жаслар байрамы сыпатында белгиленбекте.

Xabardi oqi'w
10.07.2018

МАЛ БАҚСАҢ...

Бүгинги күнде базарларымызда гөш-сүт өнимлери баҳалары кескин өсип, олардың турақлығына ерисиў имканы болмай атыр.

Xabardi oqi'w
10.07.2018

ҲӘКИМ ҲӘМ ЖАСЛАР

Усы жылдың 28-июнь күни район орайындағы 15-санлы балалар музыка ҳәм көркем өнер мектебинде Өзбекистан жаслар аўқамы Нөкис районлық Кеңеси, район ҳәкимлиги, район прокуротурасы ҳәм бир қатар тийисли тараў басшылары тәрепинен колледж ҳәм мектеп оқыўшылары менен «Ҳәким ҳәм жаслар» атамасында ашық сәўбет өткерилди.
[center]ҲӘКИМ ҲӘМ ЖАСЛАР[/center]
Ашық сәўбетти өткериўден тийкарғы мақсет районымызда жаслар арасында исбилерменлик жумысларын кеңнен ен жайдырыў, әсиресе жәмлеспеген жасларды исбилерменлик ҳәрекетине қызықтырыў, жаслар арасында ушырасып атырған қыйыншылықлар менен машқалаларды биргеликте шешиў ҳәм де олардың усынысларын үйрениў болып табылады.
Ашық сәўбетте күн тәртибиндеги мәселе бойынша район ҳәкими А.Сейтахов шығып сөйлеп, мәмлекетимизде жасларға жаратылып атырған имканиятлар ҳаққында бир қатар мысаллар келтирип айтып өтти.
Ашық сәўбет даўамында районымыздағы орта арнаўлы кәсип өнер колледжлери питкериўшилери, мектеп оқыўшылары, аўыл ҳәм мәкан пуқаралар жыйынларынан келген жаслар өзлерин қызықтырған сораўларын берди. Бунда 1-санлы мектеп оқыўшылары Арзымбетов Бексултан ҳәм Атамуратова Насийба 1-санлы мектептиң командасы «Кеўилли стартлар» спорт жарыслары бойынша Өзбекстан көлеминде өткерилген жарысларда бир-нешше мәрте чемпион болғанлығын, бирақ мектептеги спорт инвентарларының тозыўы жеткенлиги, спорт залына ири оңлаў жумыслары талап етилетуғынлығы, сондай-ақ оқыўшылардың заман талапларына сай билим алыўлары ушын мектептиң физика, химия-биология лабараторияларына заманагөй әсбап-үскенелер зәрүрлиги бойынша өз усынысларын билдирди. «Кердер» АПЖ аймағындағы 27-санлы мектептиң 11-класс оқыўшысы Әзирбаев Өткирбай бүгинги күнде «Кердер» хожалығы орайындағы мәденият сарайы имаратының авариялық аўҳалға келгенлиги, халықтың мәдений дем алыўлары ушын усы мәденият сарайында реконструкция ислеў бойынша мүрәжат етти. «Тақыркөл» АПЖ аймағындағы 12-санлы мектеп оқыўшысы Алланазарова Шийрин өзи оқып атырған мектеп оқыўшыларының таэквондо ҳәм белбеўли гүрес спорт түрлери бойынша Халықаралық турнирлерде, Өзбекстан бириншилигинде ҳәм «Үмит нәлшелери» спорт ойынларында бир қатар жеңислерди қолға киргизгенлиги, келешекте буннан да жоқары шоққыларды ийелеўи ушын жеңимпаз оқыўшыларды район ҳәкимлиги тәрепинен қоллап-қуўатланыўы зәрүр екенлигин атап өткен болса, усы мектептиң оқыўшысы Жанназарова Гүлнур мектепте оқыўшылардың белбеўли гүрес пенен шуғылланыўы ушын жаңадан жумсақ төсемелер менен тәмийинлениўин ҳәм мектеп спорт залынан еркин гүрес секциясын ашып бериў бойынша усынысын билдирди.
Ашық сәўбетте район ҳәкими жаслар арасында орын алған машқалалардың тез арада шешимин табыў ушын тийисли тараў басшыларына тапсырмалар берди.
Район жаслары ҳәким менен ашық сәўбетинде, жумыс пенен тәмийинлениў, банктен жеңиллетилген кредитлер алыў, исбилерменлик пенен шуғылланыў мәселелери бойынша берилген сораўларына қанаатланарлы жуўаплар алды.

Жеңис СЕЙДУЛЛАЕВ
скачать dle 10.5фильмы бесплатно

10.07.2018
O'xshash xabarlar: