www.aqmangittani.uz - Aqman'g'i't tan'i' gazetasi' web sayti gazeta 1969-ji'l 1-iyulden shi'g'a basladi'

БҮГИНГИ БАСПАСӨЗ – ЕРКИН СӨЗ, ЕРКИН ПИКИР ҲӘМ АЗАТ ИНСАН ТӘ¬ҒДИРИ МЕНЕН БАЙЛАНЫСЛЫ

27-июнь сәнеси Өзбекстанда 1993-жыл 24-июньда шығарылған Президент Пәрманына муўапық Баспасөз ҳәм ғалаба хабар қураллары хызметкерлери күни байрамы сыпатында белгиленеди.

Xabardi oqi'w
10.07.2018

ҲӘКИМ ҲӘМ ЖАСЛАР

Усы жылдың 28-июнь күни район орайындағы 15-санлы балалар музыка ҳәм көркем өнер мектебинде Өзбекистан жаслар аўқамы Нөкис районлық Кеңеси, район ҳәкимлиги, район прокуротурасы ҳәм бир қатар тийисли тараў басшылары тәрепинен колледж ҳәм мектеп оқыўшылары менен «Ҳәким ҳәм жаслар» атамасында ашық сәўбет өткерилди.

Xabardi oqi'w
10.07.2018

РУЎХЫЙ-АҒАРТЫЎШЫЛЫҚ ИЛАЖЫ

Нөкис районы ҳәкимлигиниң киши мәжилислер залында «Халық арасында руўхый-ағартыўшылық илажларды шөлкемлестириў» атамасында оқыў-семинары болып өтти.

Xabardi oqi'w
10.07.2018

ЖАСЛАР АРАСЫНДА СПОРТ ЖАРЫСЛАРЫ

Өткен жылы Президентимиз тәрепинен 30-июнь күнин жаслар күни деп белгиленген еди. Бүгинги күнде бул сәне мәмлекетимиз бойлап жаслар байрамы сыпатында белгиленбекте.

Xabardi oqi'w
10.07.2018

МАЛ БАҚСАҢ...

Бүгинги күнде базарларымызда гөш-сүт өнимлери баҳалары кескин өсип, олардың турақлығына ерисиў имканы болмай атыр.

Xabardi oqi'w
10.07.2018

БҮГИНГИ БАСПАСӨЗ – ЕРКИН СӨЗ, ЕРКИН ПИКИР ҲӘМ АЗАТ ИНСАН ТӘ¬ҒДИРИ МЕНЕН БАЙЛАНЫСЛЫ

27-июнь сәнеси Өзбекстанда 1993-жыл 24-июньда шығарылған Президент Пәрманына муўапық Баспасөз ҳәм ғалаба хабар қураллары хызметкерлери күни байрамы сыпатында белгиленеди.
Байрам мүнәсибети менен орынларда илажлар шөлкемлестирилип, жетик журналистлер сыйлықланады. Мине бул илажлардың бәри биз ғалаба хабар қураллары хызметкерлерине яғный журналистлерге айрықша итибардың бир көриниси деп айта аламыз.
¬Ғәрезсизлигимиз шарапаты менен түп-тийкарынан жаңа көринис ҳәм мазмун пайда етип, түрли пикирлер майданы дәрежесине көтерилген мәмлекетимиз ғалаба хабар қураллары, оларда хызмет көрсетип атырған журналистлер жетекши ҳәм излениўшең күш сыпатында жәмийетимизде жүз берип атырған өзгерислердиң белсенди қатнасыўшысына айланды. Бүгин тараўды раўажландырыўға қаратылып атырған итибар ҳәм ғамхорлықларға жуўап ретинде ғалаба хабар қураллары хызметин демократиялық принциплер тийкарында шөлкемлестириў, жәмийетти жаңалаў процессинде журналистлердиң профессионал тәрептен қәлиплесиўине кең көлемде жәрдем берилгенине ҳеш гүман жоқ.
Ҳақыйқатында да ғәрезсизлик дәўири баспасөзи жәмийетимиз жаңаланып, турмысымыз өзгерип атырған бир пайытта еркин сөз, еркин пикир ҳәм азат инсан тәғдири менен байланыслы социаллық-сиясий, мәдений-ағартыўшылық процесслерге оператив жуўап бериўши минберге айланды.
Бүгин Өзбекстанда 1500 ден зыят ғалаба хабар қураллары хызмет көрсетпекте. Мәмлекетимизде мине усы ғалаба хабар қураллары хызметин қоллап-қуўатлаў ҳәм оны раўажландырыў бойынша беккем нызамлы тийкар жаратылған. Бул болса халықаралық нормаларға тән болып, мәлимлеме тараўын тез, избе-из ҳәм еркин раўажландырыў ушын шараят жаратады.
Мәмлекетимизде бир ғана ғалаба хабар қураллары хызметин тәртипке салыўшы оннан аслам Нызам қабыл етилген. Олардан «¬Ғалаба хабар қураллары ҳаққында»ғы, «Мәлимлеме алыў еркинлиги ҳәм кепилликлери ҳаққында»ғы, «Реклама ҳаққында»ғы ҳәм басқа бир қатар нызамларды санап өтиўимиз мүмкин. Цензураға, мәлимлеме монополиясына жол қоймаў, ғалаба хабар қуралларының мәлимлеме алыў, қайта ислеў ҳәм тарқатыў ҳуқықлары, журналистлердиң профессионал хызметин кепиллеў ҳәм қорғаў нызамлы түрде белгиленген.
Информацион технологиялардың тезлик пенен раўажланыўы мәмлекетимизде интернет журналистиканың раўажланыўы ҳәм ғалабалығына алып келди. Өзбекстанда интернет журналистика 2000-жыллар орталарынан пайда бола баслады. Бул албетте, техниканың раўажланыўы менен байланыслы процесс еди. Ҳәзир болса интернет журналистика Өзбекстан ғалаба хабар қураллары ишинде баспасөз, радио ҳәм телевидение имканиятларын өзинде жәмлеп тезлиги бойынша биринши орынды ийеледи. Бүгин ең күшли интернет баспалары текст, фото, сес, инфографика сыяқлы элементлерден пайдаланып хабарларды интерактив тәризде жеткерип бермекте.
¬Ғалаба хабар қуралларының раўажланыўы, мәмлекетлик ҳәм мәмлекетлик емес баспалар, телерадиостудиялар, редакция-баспа комплекслериниң көлеми ҳәм сыпаты жағынан өсиўи, пуқаралық жәмийети институтлары, реклама агентликлери, мәлимлеме хызметлери, медиа коммуникация, интернет журналистиканың қәлиплесиўи бәсекелес жаңаша шараятларда ислей алатуғын журналист кадрларды таярлаў зәрүрлигин талап етпекте. Сол ушын да быйылғы «Жедел исбилерменлик, инновациялық идеялар ҳәм технологияларды қоллап-қуўатлаў жылы»нда әмелге асырыў байланыслы Мәмлекетлик бағдарламаның орынланыўын тәмийинлеў, сондай-ақ, ҳәзирги тез өзгерип атырған глобалласыў дәўиринде журналистиканың өзине тән қәсийетлери, тарийхый раўажланыўы, бүгинги жағдайы ҳәм келешеги менен байланыслы болған мәселелерди тереңнен үйрениў, бул бойынша алып барылып атырған илимий-изертлеўлер ҳәм дөретиўшилик жумыслар нәтийжелигин тәмийинлеў ҳәм де усы тараў ушын жоқары дәрежели тәжирийбели кадрлар таярлаўдың сыпатын түптен асырыў мақсетинде «Өзбекстан журналистика ҳәм ғалаба коммуникациялар университетин шөлкемлестириў ҳаққында»ғы Өзбекстан Республикасы Президентиниң Қарары шөлкемлестирилди. Бул жаңалық журтымызда хызмет етип атырған усы тараў қәнигелерин, зиялыларын, дөретиўшилерин қызықтырып ғана қоймай, усы жөнелисте оқып атырған студентлерди келешекте журналист болыўды арзыў еткен ҳәр бир жасты қызықтырғаны анық. Бул хошхабарды еситкен күнимиз-ақ журналистикамыздың жәҳән жоқары билим журтлары қатарынан орын алыўына ҳәм халықаралық стандартлар дәрежесиндеги жоқары қәнигели кадрлар таярлаўына исенимимиз пайда болды.
Мине байрам мүнәсибети менен Сиз әзиз газета ықласбентлерине районымыздың бирден-бир басылымы болған «Ақмаңғыт таңы» газетасы ҳаққында айта кететуғын болсақ, өзлериңизге мәлим газетамыздың жарық көргенине быйыл саррас 49 жыл толады. Газета бүгинги күнде 2200 нусқада, реңли форматта, айына 3 рет баспадан шығып, өз ықласбентлерине жетип бармақта. Редакциямыздың техникалық базасы беккемленип, заманагөй компьютерлер менен тәмийинленген ҳәм интернет тармақларына жалғанған. Бүгин газетамыз www.aqmangittani.uz атамасында өзиниң рәсмий веб-сайтына, е-хатына, электрон почтасына ийе.
Бүгинги глобалласыў ҳәм информация дәўири ҳәр бир журналисттен дәўирге сай қәдем таслаўды, өз үстинде излениўлер алып барыўды ҳәм жаңаша пикирлеўди қатаң талап етпекте. Эрик Фихтелиустың «Журналистиканың 10 қағыйдасы» шығармасында келтирилген «Журналист қандай болыўы керек?» сораўының барлық талапларына толық жуўап бере алатуғын дәрежеде өз кәсибин сүйетуғын, жан тәни менен жумыс ислейтуғын, ҳәр қандай жағдайда да әҳмийетли гәпти таўып айта алатуғын, узақты гөзлеп, реже тийкарында ис жүргизетуғын, ўақыялар ағымына тосқынлық етпеген ҳалда жағдайды туўры баҳалайтуғын бақлаўшылар болыўымыз зәрүр.

Гита ҚАЛБАЕВА
«Ақмаңғыт таңы» газетасы жуўаплы хаткери
скачать dle 10.5фильмы бесплатно

10.07.2018
O'xshash xabarlar:
Tsitata
  • Guruh: Посетители
  • ICQ: {icq}
  • Registratsiya: 17.07.2018
  • Status: Foydalanuchi offline
  • kommentariy: 1
  • kommentariy: 1
^
Народ кто желает играть в современные игры на самых высоких настройках с динамичными теняими
даже на самых слабых ПК или ноутах. Без лагов и фризов (Но нужен более менее нормальный инет).
Читайте статья по настройке компа здесь.
Видео по установке и настройке смотрите тут.
Скачать саму прогу можно здесь.
Играю уже пол года на ведре 2005 г. Буду рад кому помог разорить буржуев игровой индустрии!!!