www.aqmangittani.uz - Aqman'g'i't tan'i' gazetasi' web sayti gazeta 1969-ji'l 1-iyulden shi'g'a basladi'

ЛАЗЫМның лазымлары

Буннан бир жыл бурын «жаназа күни мал сойып, аўқат писириў, мейитти бир нешше күнлеп сақлаў дурыс емес, бул динимизге жат үрп-әдетлер» деген гәплерди еситкенде көпшиликтиң қыялына «қарақалпақ халқының басқа халықлардан өзгешелиги де усында емес пе, нешше әсирлерден берли ата-бабаларымыздан мийрас болып киятырған үрп-әдетлерди қалай бийкарлаймыз» деген ой-пикир келгенлиги рас (дәслепки ўақытлары өзимиз де усындай пикирде едик, себеби бундай үрп-әдетлер тек қарақалпақ халқында ушырасады).

Xabardi oqi'w
04.08.2018

СПОРТШЫ ҚЫЗДЫҢ ӘРМАНЫ

Меҳрибан Султанбаева «Тақыркөл» АПЖ аймағында жайласқан 9-санлы мектептиң 7-класында оқыйды.

Xabardi oqi'w
04.08.2018

КӨШПЕЛИ ҚАБЫЛЛАЎ

Нөкис районы орайындағы «Ақмаңғыт» ППЖ да район ҳәкими А.Сейтахов, Қарақалпақстан Республикасы прокуроры орынбасары Я.Бабажанов, Қарақалпақстан Республикасы Министрлер Кеңеси баслығының орынбасарлары А.Тәжетдинов ҳәм Б.Ҳәбибуллаевлардың қатнасында көшпели қабыллаў болып өтти.

Xabardi oqi'w
04.08.2018

ПУҚАРАЛАРДЫҢ ТЫНЫШЛЫҒЫ ТӘМИЙИНЛЕНБЕКТЕ

Өзбекстан Республикасы Ишки ислер министрлиги ҳәм Миллий гвардияның 2018-жыл 2-июнь күнги қоспа режеси тийкарында бүгинги күнде орынларда жынаятшылықтың ерте алдын алыў, пуқаралардың тынышлығын тәмийинлеў ҳәм олардың машқалаларын үйрениўге бағышланған илажлар өткерилмекте.

Xabardi oqi'w
04.08.2018

ЫҚШАМЛАСҚАН НЕКЕ ТОЙЛАРЫ

Нөкис районында 30-июнь – Жаслар күни байрам илажлары шеңберинде райондағы 5 кем тәмийинленген жас шаңарақтың неке тойлары болып өтти.

Xabardi oqi'w
04.08.2018

ГҮЛБАҒ БАЛАЛАРЫ КЕЎИЛЛИ ДЕМ АЛДЫ

Жаз мәўсиминиң келиўин балаларымыз асығыслық пенен күтеди. Себеби балалар жазғы дем алысқа шығып республикамыз аймақларындағы дем алыў орайларына барып жазғы дем алыс күнлерин мазмунлы етип өткериўди қәлейди.
Районымыздағы «Гүлбағ» балалар дем алыў орайында быйылғы жылда 4 гезекте 345 балалар жазғы дем алыс күнлерин мазмунлы ҳәм кеўилли етип өткерди.
[center]ГҮЛБАҒ БАЛАЛАРЫ КЕЎИЛЛИ ДЕМ АЛДЫ[/center]
Бул жерде балалардың кеўилли дем алыўлары ушын тоқымашылық, жас сүўретши, шебер қоллар, шет тили, ҳәўескерлер, шахмат-шашка киби дөгереклеринде балалар өнер сырларын үйренди.
Китапхан балаларымыз ушын болса, районлық мәлимлеме ресурс орайының китапханасынан 1000 данадан аслам жәҳән әдебиятларынан қарақалпақ, өзбек ҳәм рус тиллерине аўдармаланған балалар китаплары, Президент шығармалары ҳәм басқа да китапларды оқып мәдений ҳәм руўхый дем алды.
[center]ГҮЛБАҒ БАЛАЛАРЫ КЕЎИЛЛИ ДЕМ АЛДЫ[/center]
Орайда ҳәр гезекте өткерилетуғын руўхый ағартыўшылық, мәдений ҳәм спорт илажларына «Камолот» жаслар жәмийетлик ҳәрекети районлық Кеңеси қәўендерлигиндеги «Камалак» балалар шөлкеми де өзлериниң әжайып илажлары менен белсене қатнасты.
Бул орайда дем алып қайытқан балалардан бири өз сәўбетинде:
– Мен бул жерге келип көплеп дослар арттырдым, жазғы дем алыс күнлерим жақсы өтпекте. Бул жерде барлық қолайлықлар жаратылған. Тәрбияшы ҳәм «Камолот» жетекшилери тәрепинен шөлкемлестирилген таңлаў ҳәм спорт жарысларына белсене қатнастым ҳәм орай ҳүрмет жарлығы менен сыйлықландым, – дейди орай дем алыўшысы Атабек Алламбергенов.
– Орайымыз сапалы ҳәм тойымлы азық-аўқат пенен тәмийинленип турылды, бунда районымыздағы исбилерменлер ҳәм фермер хожалықлары жақыннан қәўендерлик көрсетти. Ең баслысы келешегимиз болған жас әўладтың жазғы дем алыс күнлери мазмунлы өтиўинде тәжирийбели педагогларымыз аянбай хызмет етти, – дейди орай директоры Дамир Раметуллаев.
Солай етип биз «Гүлбағ» балалар дем алыў орайында балалар жазғы дем алыс күнлерин мазмунлы өткергениниң гүўасы болдық.

Руслан ЖАҢАБАЕВ
[b][/b]скачать dle 10.5фильмы бесплатно

26.08.2016
O'xshash xabarlar: