www.aqmangittani.uz - Aqman'g'i't tan'i' gazetasi' web sayti gazeta 1969-ji'l 1-iyulden shi'g'a basladi'

ЛАЗЫМның лазымлары

Буннан бир жыл бурын «жаназа күни мал сойып, аўқат писириў, мейитти бир нешше күнлеп сақлаў дурыс емес, бул динимизге жат үрп-әдетлер» деген гәплерди еситкенде көпшиликтиң қыялына «қарақалпақ халқының басқа халықлардан өзгешелиги де усында емес пе, нешше әсирлерден берли ата-бабаларымыздан мийрас болып киятырған үрп-әдетлерди қалай бийкарлаймыз» деген ой-пикир келгенлиги рас (дәслепки ўақытлары өзимиз де усындай пикирде едик, себеби бундай үрп-әдетлер тек қарақалпақ халқында ушырасады).

Xabardi oqi'w
04.08.2018

СПОРТШЫ ҚЫЗДЫҢ ӘРМАНЫ

Меҳрибан Султанбаева «Тақыркөл» АПЖ аймағында жайласқан 9-санлы мектептиң 7-класында оқыйды.

Xabardi oqi'w
04.08.2018

КӨШПЕЛИ ҚАБЫЛЛАЎ

Нөкис районы орайындағы «Ақмаңғыт» ППЖ да район ҳәкими А.Сейтахов, Қарақалпақстан Республикасы прокуроры орынбасары Я.Бабажанов, Қарақалпақстан Республикасы Министрлер Кеңеси баслығының орынбасарлары А.Тәжетдинов ҳәм Б.Ҳәбибуллаевлардың қатнасында көшпели қабыллаў болып өтти.

Xabardi oqi'w
04.08.2018

ПУҚАРАЛАРДЫҢ ТЫНЫШЛЫҒЫ ТӘМИЙИНЛЕНБЕКТЕ

Өзбекстан Республикасы Ишки ислер министрлиги ҳәм Миллий гвардияның 2018-жыл 2-июнь күнги қоспа режеси тийкарында бүгинги күнде орынларда жынаятшылықтың ерте алдын алыў, пуқаралардың тынышлығын тәмийинлеў ҳәм олардың машқалаларын үйрениўге бағышланған илажлар өткерилмекте.

Xabardi oqi'w
04.08.2018

ЫҚШАМЛАСҚАН НЕКЕ ТОЙЛАРЫ

Нөкис районында 30-июнь – Жаслар күни байрам илажлары шеңберинде райондағы 5 кем тәмийинленген жас шаңарақтың неке тойлары болып өтти.

Xabardi oqi'w
04.08.2018

ИНСАН – ӘЗИЗ, ЕСЛЕЎ – МУҚАДДЕС

Мине бүгин елимиз бойлап 9-май улыўмахалықлық байрамы – Еслеў ҳәм қәдирлеў күни, сондай-ақ 1941-1945-жыллардағы Екинши жер жүзилик урыста фашизм үстинен ерисилген жеңистиң 72 жыллығы белгиленип атыр.
Мәртлик үлгисин әмелде көрсетип өзиниң өмирин Ўатанымыздың ҳәр тәреплеме раўажланыўы, бүгинги тыныш-татыў күнлер ушын жанын пидә еткен бабаларымыздың муқаддес естелигин еске алып, жақсы жумысларын даўам еттириў, қатарымызда жүрген кекселерди ҳүрметлеў - адамгершиликтиң ең жоқарғы өлшеми ҳәм бизге тынышлық, аманлық керек, деп жасайтуғын кеңпейил және уллы халқымызға тән әзелий қәдириятлар болып табылады. Мәмлекетимиз Президентиниң басламасы менен кеңнен белгиленип атырған Еслеў ҳәм қәдирлеў күниниң мазмун ҳәм әҳмийети де әне усындай ийгиликли принциплер өз көринисин тапқан.
[center]ИНСАН – ӘЗИЗ, ЕСЛЕЎ – МУҚАДДЕС[/center]
Район орайындағы «Ҳәсиретли ана» естелигинде 9-май – Еслеў ҳәм қәдирлеў күни мүнәсибети менен 1941-1945-жыллардағы Екинши жер жүзилик урыста ерисилген Жеңистиң 72 жыллығына арналған салтанатлы мәресим болып өтти.
[center]ИНСАН – ӘЗИЗ, ЕСЛЕЎ – МУҚАДДЕС[/center]
Бул мәресимге урыс дәўиринде мийнет фронтына қатнасқан нураныйлар, Аўғанстан урысы қатнасыўшылары, райондағы барлық мәкеме ҳәм кәрхана баслықлары, оқыўшы жаслар ҳәм кең жәмийетшилик ўәкиллери қатнасты.
Салтанатлы мәресимде «Ҳәсиретли ана» естелигине гүлшеңберлери қо-йылды.
[center]ИНСАН – ӘЗИЗ, ЕСЛЕЎ – МУҚАДДЕС[/center]
Мәресим даўамында район ҳәкими А.Сейтахов, районлық «Нураный» қорының баслығы Т.Әбдижаббаров, урыс дәўиринде фронт артында хызмет еткен 91 жаслы кердерли теберик атамыз Б.Бердимуратов, Нөкис районы Қорғаныў ислери бөлими баслығы Р.Есебаевлар сөзге шығып Екинши жер жүзилик урыста елимиздиң тынышлығы жолында жанын пидә еткен ўатанласларымыздың көрсеткен мәртликлерин мақтаныш пенен айтып өтти. Фронт артында мийнет еткен, бүгин ҳүрметтеги нураныйларымыздың да елимиз ғәрезсизлигин, тынышлығын беккемлеўдеги үлеслерин атап өтип, олар ҳәмийше ҳүрмет-иззетке бөленип жүргенлигин мақтаныш пенен айтып, жыйналғанларды байрам менен қутлықлады ҳәм бүгинги елимиздиң тынышлығына ҳәм пәраўанлығына өзлериниң шүкирликлер билдирди.
Буннан соң урыс дәўиринде мийнет фронтына қатнасқан нураныйлар, Аўғанстан урысы қатнасыўшыларына арнап байрам дастурханы жайылып, көркем өнер ғайраткерлери тәрепинен байрам концерт бағдарламасы қойып берилди.

Гита ҚАЛБАЕВА
журналист
скачать dle 10.5фильмы бесплатно

18.05.2017
O'xshash xabarlar: