www.aqmangittani.uz - Aqman'g'i't tan'i' gazetasi' web sayti gazeta 1969-ji'l 1-iyulden shi'g'a basladi'

ЛАЗЫМның лазымлары

Буннан бир жыл бурын «жаназа күни мал сойып, аўқат писириў, мейитти бир нешше күнлеп сақлаў дурыс емес, бул динимизге жат үрп-әдетлер» деген гәплерди еситкенде көпшиликтиң қыялына «қарақалпақ халқының басқа халықлардан өзгешелиги де усында емес пе, нешше әсирлерден берли ата-бабаларымыздан мийрас болып киятырған үрп-әдетлерди қалай бийкарлаймыз» деген ой-пикир келгенлиги рас (дәслепки ўақытлары өзимиз де усындай пикирде едик, себеби бундай үрп-әдетлер тек қарақалпақ халқында ушырасады).

Xabardi oqi'w
04.08.2018

СПОРТШЫ ҚЫЗДЫҢ ӘРМАНЫ

Меҳрибан Султанбаева «Тақыркөл» АПЖ аймағында жайласқан 9-санлы мектептиң 7-класында оқыйды.

Xabardi oqi'w
04.08.2018

КӨШПЕЛИ ҚАБЫЛЛАЎ

Нөкис районы орайындағы «Ақмаңғыт» ППЖ да район ҳәкими А.Сейтахов, Қарақалпақстан Республикасы прокуроры орынбасары Я.Бабажанов, Қарақалпақстан Республикасы Министрлер Кеңеси баслығының орынбасарлары А.Тәжетдинов ҳәм Б.Ҳәбибуллаевлардың қатнасында көшпели қабыллаў болып өтти.

Xabardi oqi'w
04.08.2018

ПУҚАРАЛАРДЫҢ ТЫНЫШЛЫҒЫ ТӘМИЙИНЛЕНБЕКТЕ

Өзбекстан Республикасы Ишки ислер министрлиги ҳәм Миллий гвардияның 2018-жыл 2-июнь күнги қоспа режеси тийкарында бүгинги күнде орынларда жынаятшылықтың ерте алдын алыў, пуқаралардың тынышлығын тәмийинлеў ҳәм олардың машқалаларын үйрениўге бағышланған илажлар өткерилмекте.

Xabardi oqi'w
04.08.2018

ЫҚШАМЛАСҚАН НЕКЕ ТОЙЛАРЫ

Нөкис районында 30-июнь – Жаслар күни байрам илажлары шеңберинде райондағы 5 кем тәмийинленген жас шаңарақтың неке тойлары болып өтти.

Xabardi oqi'w
04.08.2018

МУҒАЛЛИМЛЕРДИҢ АВГУСТ КЕҢЕСИ

Халқымызда «Устаз атаңнан уллы» деген даналық гәп бар. Ҳақыйқатында да устазлық бул әдиўли кәсип. Президентимиз «Өзин ел исине бағышлаған, инсан тәрбиясына жанын пидә еткен жоқары мәртебели оқытыўшыларды, әзиз муғаллимлерди буннан былай да төбемизге көтеремиз» деп атап өткениндей, жоқары инсаныйлық пазыйлетлерге ийе, тәжирийбели узтазларымызға болған итибар жоқары дәрежеде.
[center]МУҒАЛЛИМЛЕРДИҢ АВГУСТ КЕҢЕСИ[/center]
24-август күни районлық халық билимлендириў мәкемелери хызметин методикалық тәмийинлеў ҳәм шөлкемлестириў бөлими тәрепинен муғаллимлердиң дәстүрий август кеңеси болып өтти.
Жыйналысқа билимлендириў тараўы хызметкерлери, мектеп директорлары ҳәм жәмийетлик шөлкем басшылары қатнасты.
Жыйналыста район ҳәкими Е.Сейтназаров шығып сөйлеп, бүгинги күни районымыздың билимлендириў тараўындағы жетискенликлерине сондай-ақ, районымыз аймағындағы 7 билимлендириў мәкемелерин гүз-қыс мәўсимине таярлаў мақсетинде жергиликли бюджет қаржылары есабынан капитал оңлаў ушын жәми 972 764 000 сумлық қаржы ажыратылғанлығын атап өтти.
[center]МУҒАЛЛИМЛЕРДИҢ АВГУСТ КЕҢЕСИ[/center]
Соң 2015-2016-оқыў жылы даўамында алып барылған жумыслар ҳәм ўазыйпалар ҳаққында районлық ХБМХМТҳШБ баслығы С. Қосназаровтың баянаты тыңланды.
Жыйналыста шығып сөйлеўшилер билимлендириў хызметкерлерин жаңа оқыў жылы менен қутлықлап, машақатлы жумысларында табыслар тиледи.
Буннан соң 2015-2016-оқыў жылы даўамында жетискенликке ерискен, атап айтатуғын болсақ, «Билимлер беллесиўи»ниң Өзбекистан Республикалық басқышында өзбек тили (мәмлекетлик тил) пәнинен 1-орынды ийелеген 1-санлы қәнигелестирилген мәмлекетлик улыўма билим бериў мектебиниң 8-класс оқыўшысы С.Бердимуратова және де «Жылдың ең жақсы мәна¬ўият үгит-нәсиятшысы» таңлаўының Республикалық басқышында 21-санлы мектеп директорының руўхый-ағартыішылық ислери бойынша орынбасары А.Айтымбетова, «Жылдың ең жақсы пән муғаллими» таңлаўында 2-орынды ийелеген 1-санлы мектептиң дене тәрбиясы пәни муғаллими Ә.Бегжанов, 32-санлы мектептиң экономика пәни муғаллими Ф.Доспаевалар район ҳәкиминиң ҳәм халық билимлендириў министриниң «Ҳүрмет жарлық»лары ҳәм естелик саўғалары менен сыйлықланды.
Август кеңеси районлық мәденият хызметкерлери тәрепинен таярланған концерт бағдарламасы менен даўам етти.
Биз де өз гезегинде машақатлы кәсип ийелери болған муғаллимлерди жаңа 2016-2017-оқыў жылының басланыўы менен қутлықлап келешек әўладларға тыянақлы билим бериўдеги ийгиликли жумысларында табыслар тилеймиз!

Руслан ЖАҢАБАЕВ
скачать dle 10.5фильмы бесплатно

07.09.2016
O'xshash xabarlar: